Qazaqstanda ótetin armııa saıysyna keletin sheteldik áskerıler qymyz, qazy-qartadan dám tatady

ASTANA. QazAqparat - Shilde aıynyń sońynda ártúrli memleketterdiń áskerıleri arasynda ótetin Halyqaralyq armııa oıyndary ótedi, onda dalalyq, áýe jáne teńiz daǵdysy boıynsha 23 baıqaý uıymdastyrylady, dep habarlaıdy QR Qorǵanys mınıstrliginiń baspasóz qyzmeti.

Qazaqstandyq 21komanda quramynda 511 áskerı baıqaýǵa qatysady. Baıqaýǵa qatysý úshin irikteý týrlaryna shamamen 6 myń adam tartyldy.

Bıyl atalmysh halyqaralyq áskerı saıystyń eki baıqaýy bizdiń elde ótedi. Bul - «Artıllerııalyq nysana kózdeý sheberleri» jáne «Mergen shebi» saıystary. Oǵan kóptegen elder qatysatynyn rastady.

«Artıllerııalyq nysana kózdeýge» Ázerbaıjan, Armenııa, Belarýs, Venesýela, Reseı, Qytaı, Qyrǵyzstan, Angola qatysady.

«Mergen shebi» baıqaýyna Mońǵolııa, Qytaı, Belarýs, Venesýela, Reseı, Zımbabve, Qyrǵyzstan, Úndistan, Iran jaýyngerleri baq synap kóredi. Baıqaý qatysýshylaryna sol eldiń ulttyq as máziri eskerile di. Kún saıyn qatysýshylarǵa qosymsha ulttyq taǵamdar, ıaǵnı, baýyrsaq, qymyz, shubat, qurt, súri et, jylqy eti (qazy-qarta, jaıa) usynylady.

Ótken jyly Halyqaralyq armııa oıyndaryna Qarýly kúshterimiz úsh baıqaýǵa qatysqan bolatyn. Onda saıys qorytyndysy boıynsha «Avıadarts» pen «Kaspıı teńizinde» ekinshi oryn jáne «Tank bıatlonynda» tórtinshi oryn ıemdendik.