Qazaqstanda ótetin Álem chempıonatynda 108 Olımpıada lıtsenzııasy sarapqa salynady
NUR-SULTAN. QazAqparat - Nur-Sultan qalasynda Qazaqstan Ulttyq Olımpıadalyq komıtetiniń basshysy Tımýr Qulybaevtyń bastamasymen kúres túrlerinen lıtsenzııalyq álem chempıonatyn uıymdastyrý komıtetiniń birlesken jıyny ótti, dep habarlaıdy QazAqparat tilshisi.
Basqosýda Qazaqstanda ótetin 2019 jylǵy álem chempıonatyna daıyndyq barysy talqylandy.
Álem chempıonaty 14-22 qyrkúıek arylyǵynda Nur-Sultan qalasynda ótedi. Sporttyq báskede kúrestiń úsh túrinen 108 Olımpıada oıyndarynyń lıtsenzııasy sarapqa salynady. Saıysqa álem elderinen myńǵa jýyq balýan keledi dep kútilýde. Álem chempıonatynda 1-shi oryn men 6-shy oryn aralyǵyna jaıǵasqan qazaqstandyq sportshylar 2020 jyly bolatyn Tokıo Olımpıadasyna qatysýǵa tikeleı joldama alady.
Eske sala keteıik, lıtsenzııalyq álem chempıonatyn ótkizý quqyǵyn Qazaqstan 2018 jyldyń qyrkúıek aıynda jeńip alǵan edi. Álemdik syndy qabyldaýǵa Stambýl qalasy da úmitker atanǵan bolatyn.
Álıhan Asqaruly
