Qazaqstanda óte jyly naýryz aıy tirkeldi
ASTANA. KAZINFORM — Sınoptıkterdiń málimetinshe, 2025 jyldyń naýryz aıy Qazaqstanda sońǵy onjyldyqtaǵy eń jyly aılardyń biri boldy.
— Eldegi ortasha temperatýra klımattyq normadan orta eseppen 1-5°S joǵary boldy. Naýryzdyń 16-sy men 22-si aralyǵynda elimizdiń birqatar aımaǵynda osydan bir-eki jyl buryn, atap aıtqanda Qazaqstannyń búkil meteorologııalyq baqylaý tarıhyndaǵy eń jyly bolyp sanalatyn 2023 jyly ornatylǵan temperatýra rekordy jańardy, — dep atap ótti sınoptıkter.
2025 jyldyń naýryz aıynda Qazaqstannyń kóptegen meteostantsııasynda klımattyq normadan aıtarlyqtaı asqan rekordtyq joǵary temperatýra tirkeldi.
* Oral: 16 naýryzda aýa temperatýrasy +19,2°S jetti, norma +12,1°S.
* Aqtóbe: 17 naýryzda — +13,4°C (qalypty temperatýra — +9,3°C).
* Petropavl: 18 naýryzda — +10,9°C, 2023 jylǵy rekordty jańartty (+4,0°C), al 19 naýryzda +12,6°C boldy (2015 jylǵy burynǵy maksımým — +4,2°C).
* Kókshetaý: 18–19 naýryzda — +11,9°C, 2013 (+7,4°C) jáne 1970 jylǵy (+6,1°C) rekordtan asyp tústi.
* Qostanaı: 18 naýryzda — +9,1°C (2023 jylǵy rekord — +5,1°C), 19 naýryzda — +14,0°C (2020 jyly +6,2°C bolǵan).
* Pavlodar: 18 naýryzda — +8,8°C (burynǵy maksımým 2007 jyly +6,6°C bolyp tirkelgen), 20 naýryzda — +14,4°C (2016 jyly –+10,2°C).
* Qaraǵandy: 19 naýryzda — +10,1°C (2013 jyly +8,2°S).
* Astana: 20 naýryzda — +9,1°C (2016 jylǵy rekord +7,1°C boldy).
Eldiń ońtústik-shyǵysy men shyǵysynda da rekord jańardy:
* Almaty: 18 naýryzda — +19,5°C (2001 jyly +19,2°S bolǵan), 21 naýryzda — +24,8°C (2018 jyly — +23,1°S).
* Semeı: 21 naýryz kúni +14,6°C jyly boldy, 1944 jylǵy maksımýmnan (+10,8°C) asyp tústi.
* Óskemen: aýanyń temperatýrasy +15,9°C-qa jetti (2010 j. — +10,3°C).
Naýryzda aýa raıynyń qolaısyz jaǵdaıy da tirkeldi:
* 5 naýryzda Almaty oblysyndaǵy AMS Malybaı-da jeldiń ekpini 34 m/s-ke deıin jetýi tirkeldi.
* 7 naýryzda Tarazda jel ekpini 31–33 m/s boldy.
* 10 naýryzda Ereımentaýda — joldyń kórinýi 200-500 m jaıaý burqasyn bolyp, 15 saǵatqa sozyldy.
* 14–15 naýryzda Aqtóbe, Qostanaı oblystarynda — qalyń tuman, joldyń kórinýi 50 m-ge deıin bolǵan.
Astanada ortasha aılyq temperatýra -2,5°S boldy, bul normadan (-6,0°S) 3,5°S joǵary. 2 naýryzda túnde -18,9°S deıin aıaz saqtaldy, biraq aıdyń sońyna qaraı jylyný baıqala bastady — 30 naýryzda temperatýra +12,0°S-qa deıin kóterilip, kóktem lebi sezildi.
Jaýyn-shashynnyń aılyq mólsheri 30 mm boldy, aılyq norma — 20 mm, bul normadan 1,5 ese kóp, dep habarlaıdy sınoptıkter.
Osyǵan deıin Qyzylordada sáýir aıynyń aýa raıy boljamy jarııalandy.