Qazaqstanda otbasynyń tsıfrlyq kartasy ázirlenip jatyr
«Sondaı-aq, biz otbasynyń tsıfrlyq kartasyn jasaý boıynsha jumys istep jatyrmyz. Joba qıyn ómirlik jaǵdaıdaǵy otbasylardy avtomatty túrde anyqtaýǵa baǵyttalǵan. Derekter bilim berý, ekonomıkalyq jaǵdaılar, densaýlyq, sondaı-aq turǵyn úı jáne áleýmettik ahýal sııaqty túrli baǵyttar boıynsha memlekettik organdardyń ıntegratsııalanǵan júıeleri negizinde qalyptastyrylatyn bolady. Bul azamattardyń memlekettik mekemelerge júginýin kútpeı-aq, túrli salalardan belsendi túrde keshendi qoldaý sharalaryn kórsetýge, sondaı-aq qoljetimdi ındıkatorlar arqyly otbasynyń áleýmettik jaǵdaıynyń nasharlaýyna boljam jasaýǵa múmkindik beredi», – dedi Erbol Ospanov ortalyq kommýnıkatsııalar qyzmetindegi baspasóz máslıhatynda.
Vıtse-mınıstr sondaı-aq elektrondy eńbek bırjasy portalynyń jumysyn jetildirý týraly aıtty. Bul resýrs 2018 jyly iske qosyldy jáne jumys berýshilerden, memlekettik jumyspen qamtý ortalyqtarynan jáne jeke jumyspen qamtý agenttikterinen, onlaın-alańdardan túsetin bos jumys oryndaryn, sondaı-aq jeke tulǵalardyń túıindemelerin jınaqtaıdy.
«2020 jyly elektrondy eńbek bırjasy arqyly 532 myńnan astam adam jumysqa ornalastyryldy. Onyń ishinde 319 myńy turaqty jumys oryndaryna jáne 213 myńy ýaqytsha jumysqa kirdi. Jyl basynan beri elektrondy eńbek bırjasy kómegimen 101 myń adam jumys tapty», – dedi ol.
