Qazaqstanda otbasylyq-turmystyq qarym-qatynas jaǵdaıynda jasalatyn qylmys sany 10,5 paıyzǵa kemidi - QR ІІM
ASTANA. Qyrkúıektiń 30-y. QazAqparat - Bıylǵy jyly Qazaqstanda otbasylyq-turmystyq qarym-qatynas jaǵdaıynda jasalatyn qylmys sany 10,5 paıyzǵa kemidi, dep habarlady QR Іshki ister mınıstrliginiń Ákimshilik polıtsııa komıteti.
«Aǵymdaǵy jyly otbasylyq-turmystyq qarym-qatynas jaǵdaıynda quqyq buzýshylyq is-áreketteri úshin ishki ister organdarynyń materıaldary boıynsha sot tóreshileri 21 myńǵa jýyq adamdy ákimshilik jaýapkershilikke tartty.
Qolǵa alynǵan sharalardyń arqasynda otbasylyq-turmystyq qarym-qatynastaǵy qylmystyń sany 10,5 paıyzǵa kemidi», - dep atalyp ótilgen baspasóz qyzmettiń taratqan aqparatynda.
