Qazaqstanda otbasylyq sot qurylady

ASTANA. QazAqparat - Qazaqstanda otbasylyq sot qurylýy múmkin. Bul týraly búgin QR Joǵarǵy sotynyń tóraǵasy Jaqyp Asanov aıtty, dep habarlaıdy QazAqparat tilshisi.

Joǵarǵy sottyń keńeıtilgen otyrysy barysynda Jaqyp Asanov elimizdiń 51 sotyndaǵy «Otbasylyq sot» jobasyna 107 sýdıa jumyldyrylǵanyn atap ótti. Olar otbasyn saqtap qalýǵa jáne olardyń quqyqtyq problemalaryn sheshýge barlyq jaǵdaı jasap otyr.

«Biz bul máseleni taıaý aıdyń ishinde QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııamen qaraıtyn shyǵarmyz. Kámelettik jasqa tolmaǵandar isi jónindegi sottar bazasyn otbasylyq sotqa transformatsııalaý nusqasy qarastyrylady», - dedi Joǵarǵy sot tóraǵasy.