Qazaqstanda «otbasy polıtsııasy» qurylýy múmkin be – Úkimet músheleri jaýap berdi
Úkimet otyrysynan keıin ótken baspasóz konferentsııasynda tıisti mınıstrlik basshylaryna «otbasy polıtsııasyn» qurý bastamasy týraly suraq qoıyldy, dep habarlaıdy Kazinform.
«Іshki ister mınıstrliginde jasóspirimder ınspektory, kóshi-qon polıtsııasy sııaqty bólinister bar. Otbasyndaǵy zorlyq-zombylyqty azaıtý úshin «Otbasy polıtsııasy» degen uǵymdy nemese qyzmetti qurý týraly máselege qalaı pikir bildiretin edińiz?» - dep surady BAQ ókili.
Іshki ister mınıstriniń orynbasary Igor Lepeha bul fýnktsııany vedomstvo qurylymyndaǵy bólinister qazirdiń ózinde atqaryp júrgenin aıtady.
«Kámeletke tolmaǵandar isi boıynsha jumys isteıtin 2,5 myń ınspektor bar. Buryn mektep ınspektorlary bolǵanyn bilesiz. Biraq qazir onyń bárin ońtaılandyryp jatyrmyz. ıAǵnı, qalypty normaǵa deıin keltirdik. Bizde 280 qyzmetker áıelderdi zorlyq-zombylyqtan qorǵaý baǵytynda jumys isteıdi. Osy bólinis siz aıtyp otyrǵan qyzmettiń bir túri dep aıtýǵa bolatyn shyǵar. Olardyń fýnktsıonaldyq mindetteri otbasylarmen, kúsh kórsetýshilermen jumys isteýge baǵyttalǵan. Ondaı qyzmetkerler búkil óńirlerde bar. Olardyń sanyn da qalypty normaǵa keltirdik – 258 qyzmetker bar», - dedi ol.
Aıtýynsha, otbasylyq polıtsııanyń bastapqy kórinisi osy atalǵan bólinisterde onsyz da bar.
«Onyń ústine bizde 7,5 myń ýchaskelik ınspektor bar. Olardyń negizgi mindeti – osyndaı otbasylyq janjaldarǵa áreket etý. Mundaı janjaldarǵa birinshi bolyp solar barady. Eger janjal qylmystyq iske ulasatyn bolsa, soǵan saı quzyreti bar tergeýshiler tartylady. Negizinen ondaı isterge áıel tergeýshilerdi qatystyrýǵa tyrysamyz. ıAǵnı, ár qurylymda bul máselege jaýap beretin qyzmetkerler bar. Sondyqtan dál qazir «Otbasy poıtsııasyn» qurý ózin aqtamaıtyn shara dep oılaımyn», - dedi vıtse-mınıstr.
Mádenıet jáne aqparat mınıstri Aıda Balaeva da jańa qurylym oılap tabýdyń qajeti joq degen pikir aıtty.
«Áriptesimniń sózimen kelisemin. Polıtsııanyń sanyn kóbeıtýdiń qajeti joq. Eń bastysy, zorlyq-zombylyqtyń aldyn alý kerek. Ol endi tárbıe jumysy, qoǵamdy saýattandyrý máselesi. Bilikti, bilimdi qoǵamda ondaı zańbuzýshylyq bolmaıdy», - dedi Aıda Balaeva.
