Qazaqstanda Otbasy kúnine oraı qandaı is-sharalar ótedi
ASTANA. KAZINFORM — Qazaqstanda 7-13 qyrkúıek aralyǵynda ótetin Otbasy kúnine arnalǵan aptalyq bastaldy, dep habarlaıdy QR Mádenıet jáne aqparat mınıstrliginiń baspasóz qyzmeti.
Elimizde Otbasy kúni dástúrli túrde qyrkúıektiń ekinshi jeksenbisinde atalyp ótedi.
Apta boıy elimizdiń óńirlerinde otbasy qundylyqtaryn dáripteýge, otbasyndaǵy qarym-qatynas mádenıetin damytýǵa jáne sanaly ata-ana bolýdyń mańyzyn túsindirýge baǵyttalǵan aqparattyq, tanymdyq jáne qoǵamdyq is-sharalar ótedi.
Aptalyqtyń ár kúni jeke taqyrypqa arnalady. Baǵdarlama urpaqtar sabaqtastyǵy, sanaly túrde otbasyn qurý, bala densaýlyǵy men qaýipsizdigi, otbasy berekesi jáne ata-ana men balanyń birge ýaqyt ótkizýi sekildi mańyzdy taqyryptardy qamtıdy.
Sondaı-aq áleýmettik jelilerde «Otbasymyzdyń bir kúni» uranymen jalpyulttyq #Otbasym2026 chellendji ótedi.
Buǵan deıin Abaı oblysynda «Mereıli otbasy» baıqaýynyń jeńimpazdary anyqtalǵanyn jazǵan edik.
