Qazaqstanda otandyq arzan kólikter óndirisin ashý josparlanyp otyrǵan joq
ASTANA. QazAqparat - Qazaqstanda otandyq arzan kólikter óndirisin ashý josparlanyp otyrǵan joq. Bul týraly búgin Ortalyq kommýnıkatsııalar qyzmetinde ótken baspasóz máslıxatynda "QazAvtoÓnerkásip" ZTB dırektorlar keńesiniń tóraǵasy Dáýlet Baqbergen málim etti.
"Álemde osyndaı jobany jasaý tek Ońtústik Koreıanyń qolynan keldi. Bizde qazir naryqtyń 50 paıyzyn otandyq ónimmen toltyrý mindeti tur. Ózimizdiń kólikti shyǵarýǵa qatysty, sizder túsinesizder, jylyna 500-1000 danamen satylatyn ekzotıkalyq kólikti shyǵarý maqsatymyz emes.
Onyń sózine qaraǵanda, joba óte qaýipti jáne ınvestorlar ondaıǵa barmaıdy.
"Ol kólik Qazaqstanda ǵana emes, shetelde de tanymal bolýy shart. Ondaı josparlar bizde oryndala qoıýy ekitalaı", - dep túıdi sózin D. Baqbergen.
