09:10, 18 Qarasha 2020 | GMT +5
Qazaqstanda osy ýaqytta 9 541 adam koronavırýstan emdelip jatyr
NUR-SULTAN. QazAqparat - Qazaqstanda osy ýaqytta 9 541 adam koronavırýstan emdelip jatyr, dep habarlaıdy QazAqparat QR Densaýlyq saqtaý mınıstrliginiń Telegram arnasyna silteme jasap.
Onda jarııalanǵan málimetterge qaraǵanda, osy kezde koronavırýs ınfektsııasynan emdelip jatqandardyń arasynda 468 bala bar. Statsıonarlarda 2 991 naýqas jatyr, 6 550 adam ambýlatorııalyq jaǵdaıda emdelýde.
«Jalpy naýqastardyń arasynda 227 adamnyń densaýlyq jaǵdaıy nashar. Sonyń ishinde 24 naýqastyń jaǵdaıy asa qatty aýyr dep baǵalanyp otyr. 22 naýqas ókpeni jasandy jeldetý apparatynda jatyr»,-delingen habarlamada.