Qazaqstanda osy ýaqytta 3 314 adam koronavırýstan emdelip jatyr
NUR-SULTAN. QazAqparat – Qazaqstanda osy kezde 3 314 adam koronavırýs ınfektsııasynan em alyp jatyr, dep habarlaıdy QazAqparat QR Densaýlyq saqtaý mınıstrliginiń Facebook paraqshasyna silteme jasap.
Paraqshada jarııalanǵan málimetterge qaraǵanda, koronavırýstan emdelip jatqandardyń ishinde 46 sábı bar. Statsıonarlarda 1 827 naýqas jatyr, 1 487 adam ambýlatorııalyq jaǵdaıda emdelýde.
Jalpy naýqastardyń arasynda 94 adamnyń ahýaly nashar. Sonyń ishinde 15 naýqastyń hali asa aýyr dep baǵalanyp otyr. 23 naýqas jasandy tynys alý apparatynda jatyr.
