Qazaqstanda osy ýaqytta 13 832 adam koronavırýstan emdelip jatyr
NUR-SULTAN. QazAqparat – Qazaqstanda osy ýaqytta 13832 adam koronavırýstan emdelip jatyr. Olardyń arasynda 1004 bala bar, dep habarlaıdy QazAqparat QR Densaýlyq saqtaý mınıstrliginiń Telegram kanalyna silteme jasap.
Ondaǵy aqparattarǵa qaraǵanda, eldegi statsıonarlarda 3 762 naýqas jatyr, 10 070 adam ambýlatorııalyq jaǵdaıda emdelýde.
Jalpy naýqastardyń arasynda 230 adamnyń densaýlyq jaǵdaıy nashar. Sonyń ishinde 41 naýqastyń densaýlyq jaǵdaıy asa aýyr dep baǵalanýda. 44 naýqas jasandy tynys alý apparatynda jatyr.
