Qazaqstanda osy kezde 3 myń 44 adam koronavırýstan em qabyldap jatyr
NUR-SULTAN. QazAqparat - Qazaqstanda osy kezde 3 044 adam koronavırýstan em qabyldap jatyr. Olardyń arasynda 74 sábı bar, dep habarlaıdy QazAqparat QR Densaýlyq saqtaý mınıstrliginiń Telegram kanalyna silteme jasap.
Ondaǵy málimetterge qaraǵanda, elimizdiń statsıonarlarynda osy kezde 1 950 naýqas jatyr. 1 094 adam ambýlatorııalyq jaǵdaıda emdelýde.
«Jalpy naýqastardyń arasynda 84 adamnyń densaýlyq jaǵdaıy nashar. Sonyń ishinde 13 naýqastyń jaǵdaıy asa aýyr dep baǵalanyp otyr. 11 naýqas ókpeni jasandy jeldetý apparatynda jatyr»,-delingen habarlamada.
