Qazaqstanda osy kezde 3 213 adam koronavırýstan em alyp jatyr
NUR-SULTAN. QazAqparat – Qazaqstanda osy ýaqytta koronavırýstyq ınfektsııadan 3 213 adam em qabyldap jatyr, dep habarlaıdy QazAqparat QR Densaýlyq saqtaý mınıstrliginiń Telegram arnasyna silteme jasap.
Emdelip jatqandardyń arasynda 73 sábı bar. Statsıonarlarda 1 806 naýqas jatyr, 1 407 adam ambýlatorııalyq jaǵdaıda emdelýde.
Jalpy naýqastardyń arasynda 89 adamnyń ahýaly nashar. Sonyń ishinde 12 naýqastyń densaýlyq jaǵdaıy asa aýyr dep baǵalanýda. 19 naýqas ókpeni jasandy jeldetý apparatynda jatyr.
