Qazaqstanda osy aıda 750 myń doza QazVac jetkiziledi

NUR-SULTAN. QazAqparat – Qazaqstanda otandyq vaktsınany óndirýge eki óndiristik alań daıyndaldy. Bul týraly Premer-Mınıstrdiń orynbasary Eraly Toǵjanov aıtty, dep habarlaıdy QazAqparat tilshisi.

«Ótken aıda QazVac 650 myń doza kóleminde, al osy aıda 750 myń dozany jetkizý josparlanǵan. Eki óndiris alań daıarlandy. Jambyl oblysynda bıofarmatsevtıkalyq zaýytynyń tolyq daıyndyǵy qamtamasyz etildi, «Antıgen» kásiporny bazasynda QazVac vaktsınalarynyń tolyq tsıklimen Bıologııalyq qaýipsizdik problemalarynyń ǵylymı-zertteý ınstıtýtynyń ekinshi óndiristik alańy iske qosyldy», - dedi Eraly Toǵjanov Úkimettegi onlaın baspasóz máslıhatynda.

Budan buryn habarlanǵandaı, Úkimette bıyldyń tórtinshi toqsanynda Pfizer vaktsınasyn jetkizý eskerilgenin aıtty.