Qazaqstanda ósýdiń qýatty serpini saqtalýda- BUU ESKATO
ASTANA. 12 mamyr. QazAqparat - Qazaqstanda ekonomıkalyq ósýdiń qýatty serpini saqtalýda. Deıturǵanmen, el ekonomıkasyn ártaraptandyrý, onyń ishinde Indýstrııalandyrý baǵdarlamasyn ári qaraı jalǵastyrý boıynsha qadamdar jasaý kerek,
dep atap kórsetilgen BUU-nyń Azııa-Tynyq muhıt elderi úshin ekonomıkalyq jáne áleýmettik komıssııasynyń (ESKATO) bir jyldyq sholýynda. Bul aqparat pm.kz saıtynda jarııalandy
Sholýǵa súıensek, Qazaqstannyń ekonomıkalyq ósimi joǵary deńgeıde qalyp otyr: 2011 jyly - 7,5 paıyz (2010 jyly - 7 paıyz bolǵan).
«Munaıǵa jáne shıkizattarǵa degen ornyqty syrtqy suranys, sondaı-aq ishki ahýaldyń jaqsarýy, sonyń ishinde naqty jalaqynyń ósýi, jumyssyzdyq deńgeıiniń tómendeýi jáne Úkimet tarapynan qarastyrylǵan turaqty ınvestıtsııalar - ekonomıkanyń ósýine sep boldy»,- dep atap kórsetiledi qujatta.
Oǵan qosa, 2011 jyly astyqtyń mol bolýy da aýyl sharýashylyǵy óndirisiniń ósýine qoldaý boldy.
2012 jyly JІÓ ósimi qamtamasyz etiledi, jáne oǵan munaı men ken óndirý sektorlaryndaǵy jaqsy qarjylandyrylyp otyrǵan ınvestıtsııalyq jobalar da úles qosady.
«Memlekettik shyǵystar negizinen áleýmettik qamtý jáne bilim berý salalaryna artyp otyr»,- delingen sholýda.
ESKATO sholýynda sonymen qatar, budan da joǵary jetistikterge qol jetkizý jáne ornyqty ósý úshin, sondaı-aq áleýmettik-ekonomıkalyq turaqtylyqty arttyrý úshin Qazaqstan ekonomıkasyn ártaraptandyrý qajettiligi atap kórsetiledi.
«Ónerkásiptik damýdyń besjyldyq úkimettik jospary ( ÚIID baǵdarlamasy - red.) el ekonomıkasynyń shıkizattyq taýarlarǵa degen táýeldiligin azaıtýǵa baǵyttalyp otyr. Eńbek ónimdiligin arttyrýdy, kadrlardy daıarlaýǵa jáne ınfraqurylymdardy jańǵyrtýǵa ınvestıtsııalar salýdyń arqasynda nátıjege qol jetkizýge bolady»,- delingen ESKATO uıymynyń sholýynda.
BUU-nyń Tynyh muhıt, Azııa elderine arnalǵan komıssııasy búginde 60 memlekettiń áleýmettik-ekonomıkalyq ósimin zerttep keledi. Búginde bul qurylym memleketterge sholý jasaýmen qatar, olardyń daǵdarysty eńserýdegi is-áreketterin de saraptaýda. Osy rette halyqaralyq sarapshylar elimizde júzege asyrylyp jatqan Údemeli ındýstrıalyq-ınnovatsııalyq baǵdarlamaǵa joǵary baǵalaryn berdi.
