Qazaqstanda orys tiliniń pozıtsııasy nasharlaǵan joq - Prezıdent
«Qazaqstanda orys tiliniń pozıtsııasy kemidi, tarylyp bara jatyr, tipti kemis tilge aınaldy dep júrgender - shyndyqtan óte alshaq. Mundaı paıymnyń barlyǵy belgili bir jaǵdaıdy saıasılandyrý maqsatynda jádigóılenýden. Muny nelikten jasaıdy – suraq basqada. Negizinde onyń jaýabyn bilemin. Biraq, qazirgi suhbatymyzdyń taqyryby emes. Tolyqtaı alǵanda, Qazaqstanda orys tiliniń pozıtsııasy qandaı da bir nasharlaýǵa ushyraǵan joq. Oǵan senimdimin. Sabaq orys tilinde ótetin mektepterdiń sanyna qatysty aıtar bolsam, olar burynǵy kólemde qaldy. Basqa másele jáne bul shyndyq – ol qazaq tilinde bilim alýǵa degen suranystyń artyp kele jatqanynda», - dedi Qasym-Jomart Toqaev reseılik jýrnalıst Andreı Kondrashovqa bergen suhbatynda.
Memleket basshysynyń paıymynsha, qazaq tiline degen suranystyń artyp kele jatqanyn da eskergen jón.
«Túptep kelgende, memleketimizdiń ataýynyń ózinde «qazaq» sózi bar. ıAǵnı, biz qazaq tilin úırengisi keletin, balasyn qazaq mektebi men balabaqshaǵa bergisi keletin adamdardyń múddesin qamtamasyz etýge tıispiz. Orys tilinsiz qazaqtarǵa óte qıyn bolatyndyǵyna qatysty naqty túsinigimiz bar. Geografııalyq turǵyda. Buǵan deıin de bizde álemdegi eń uzyn shekaramyz bar ekendigin aıtqanmyn. Biz Qudaı qosqan kórshimiz jáne qazaqtarǵa orys tilin jaqsy bilý kerek. Biraq, sonymen qatar óziniń ana tilin de bilýi tıis», - dedi QR Prezıdenti.
