Qazaqstanda ortasha jalaqynyń kólemi ósti - UEM
ASTANA. QazAqparat - QR Ulttyq ekonomıka mınıstri Tımýr Súleımenovtyń aıtýynsha, ústimizdegi jyldyń alǵashqy toqsanynda ortasha jalaqynyń kólemi ósti, dep xabarlaıdy QazAqparat tilshisi.
«Iá, ortasha jalaqynyń óskenin erekshe atap ótken jón. Búginde ortasha jalaqy 148,6 myń teńgeni qurap otyr. Bıyl atalǵan kórsetkish 3,8 paıyzǵa ósti. Ótken jyly týra osy ýaqytta, kerisinshe, 9,6 paıyzǵa tómendegen. 2015 jylda da ortasha jalaqynyń kólemi azaıǵan bolatyn. Sondyqtan ústimizdegi jylda ortasha jalaqynyń kóterilýi - qýantarlyq jaǵdaı», - dedi Súleımenov Úkimettiń búgingi otyrysynda. Mınıstrdiń sózine qaraǵanda, ótken jyldyń alǵashqy toqsanymen salystyrǵanda, jumyssyzdyqtyń deńgeıi 0,1 paıyzǵa tómendep, 4,9 paıyzdy qurady.
Aıta keteıik, búgin mınıstr elimizdiń áleýmettik-ekonomıkalyq damýy boıynsha alǵashqy úsh aıdyń qorytyndysyn jarııalady. Onyń aıtýynsha, búginde xalyqtyń nesıeni teńgemen kóptep ala bastaǵany baıqalǵan.
