Qazaqstanda ortasha jalaqy deńgeıi 120 myń teńgeni qurady
Bul týraly búgin Ortalyq kommýnıkatsııalar qyzmetinde ótken brıfıngte QR Ulttyq ekonomıka mınıstrliginiń Statıstıka komıtetiniń tóraǵasy Álıhan Smaıylov málim etti.
"2015 jylǵy aqpanda bir qyzmetkerdiń ortasha aılyq ataýly jalaqysy baǵalaý boıynsha 120975 teńgeni qurady.
2015 jylǵy naýryzda jumyssyzdar sany baǵalaý boıynsha 460,3 myń adamdy qurady. Jumyssyzdyq deńgeıi ekonomıkalyq belsendi halyq sanyna 5% qurady. Jumyspen qamtý organdarynda jumyssyzdar retinde tirkelgender sany 2015 jylǵy naýryzdyń sońyna 56,1 myń adamdy qurady nemese ekonomıkalyq belsendi halyq sanyna 0,6%", - dedi ol.
"2015 jylǵy aqpanda halyqtyń orta eseppen jan basyna shaqqandaǵy ataýly aqshalaı tabystary baǵalaý boıynsha 62388 teńgeni qurady, bul 2014 jylǵy aqpanǵa qaraǵanda 10,4% joǵary, al naqty aqshalaı tabys kórsetilgen kezeńde 4,1% ósti", - dep túıdi sózin komıtet basshysy.