Qazaqstanda ortasha jalaqy kólemi qansha

ASTANA. KAZINFORM – Ulttyq statıstıka bıýrosy 2025 jylǵy I toqsandaǵy jalaqy kólemin atady.

Ulttyq bıýro málimetine sáıkes, 2025 jylǵy I toqsanda baǵalaý boıynsha jalaqynyń medıanalyq máni (jalaqynyń ortasha deńgeıi) 300 307 teńge boldy. Al kásipkerlik qyzmetpen aınalysatyn shaǵyn kásiporyndardy esepke almaǵandaǵy ataýly jalaqynyń ortasha máni 2025 jylǵy I toqsanda 423 133 teńge boldy, bul byltyrǵy osy ýaqytpen salystyrǵanda 10,7% artyq.

2024 jylǵy І toqsanmen salystyrǵanda ortasha aılyq jalaqynyń eń joǵary ósimi aqparat jáne baılanys – 31,3%, aýyl, orman jáne balyq sharýashylyǵy – 17,3%, óner, oıyn-saýyq jáne demalys – 16,1% salasynda baıqaldy. Sonymen qatar Densaýlyq saqtaý jáne halyqqa áleýmettik qyzmet kórsetýde 6,2%, bilim berýde ortasha aılyq jalaqy kólemi 6,1% ósti.

Óńirlik bóliniste 2024 jyldyń tıisti toqsanymen salystyrǵanda 2025 jyldyń I toqsanynda ortasha aılyq ataýly jalaqynyń eń kóp ósýi Ulytaý oblysynda 19,4%, Qostanaı oblysynda 14,6%, Almaty qalasynda 14,2% jáne Pavlodar oblysynda 13,5% tirkeldi.

Aıta ketsek, Kazinform tilshisi ortasha jalaqy kórsetkishi shynynda qaı deńgeıde ekenine, ony qalaı eseptegen jón bolatynyna taldaý jasaǵan edi.