Qazaqstanda ortasha aılyq kólemi ósti

NUR-SULTAN. QazAqparat - Aǵymdaǵy jyldyń ótken aıynda elimizde bir jaldamaly jumysshynyń nomınaldy jalaqysy 172 066 teńgeni qurady, dep habarlaıdy QazAqparat tilshisi QR Ulttyq ekonomıka mınıstrliginiń Statıstıka komıtetine silteme jasap.

Resmı málimetke sáıkes, aqpan aıynda bir adamǵa shaqqanda tabystyń ortasha mólsheri 97 584 teńge boldy. Osylaısha, ótken jyldyń atalǵan kezeńimen salystyrǵanda halyqtyń aqshalaı tabysy nomıanaldy mánde 13,7 protsentke ósse, naqty mánde 8,5 protsentke kóterildi.

Aıta keteıik, ótken jyly qazan aıynda qazaqstandyqtardyń bir aıdaǵy jan basyna shaqqandaǵy aqshalaı tabystyń ortasha kólemi 95 152 teńgeni quraǵan. Turǵyndardyń aqshalaı tabysy 2017 jylǵy qarasha aıymen salystyrǵanda 0,9 paıyzǵa, naqty alǵanda 6,3 paıyzǵa ósken.