Qazaqstanda ortasha aılyq ataýly jalaqy 116 768 teńgeni qurady

«Ataýly jalaqy ındeksi 2013 jylǵy naýryzǵa 107,3 paıyzdy, al naqty jalaqy ındeksi 101 paıyzdy qurady. Salalyq qurylymda eń úlken jalaqy ken óndirý ónerkásibi men karerlerdi qazýda - 246,9 myń teńge (ortasha respýblıkalyq deńgeıden 2,1 esege asty), kásibı, ǵylymı jáne tehnıkalyq qyzmette - 224,5 myń teńge, qarjy jáne saqtandyrý qyzmetinde 211,5 myń teńge kóleminde belgilendi», - delingen QR Statıstıka agenttiginiń málimetinde. Eń tómengi jalaqy aýyl, orman jáne balyq sharýashylyǵy qyzmetkerlerinde belgilendi - 53,9 myń teńge, bul el boıynsha orta kórsetkishten 53,8 paıyzǵa tómen. Óńirlik bóliniste eń joǵarǵy jalaqy Mańǵystaý oblysynda tirkeldi - 223,9 myń teńge, ol ortasha respýblıkalyq kórsetkishten 1,9 esege asady. Soltústik Qazaqstan oblysynda munyń shamasy 75,1 myń teńgeni qurady, bul el boıynsha ortasha deńgeıden 35,6 paıyzǵa tómen.