Qazaqstanda Ortalyq Azııa elderinde teńdesi joq nebýlaızer kabıneti ashyldy
ALMATY. QazAqparat - Almatyda tynys joldary aýyratyn naýqastarǵa nebýlaızerlik terapııany júrgizýge arnalǵan tuńǵysh kabınet ashyldy, dep habarlaıdy QazAqparat tilshisi.
Ashylý saltanatyna Pedıatrııa jáne balalar hırýrgııasy ǵylymı ortalyǵynyń jetekshi mamandary, ǵalymdar men qoǵamdyq uıym ókilderi qatysty. Kabınet QR Pedıatrııa jáne balalar hırýrgııasy ǵylymı ortalyǵynyń bazasynda jumys jasaıtyn bolady.
Tynys alý júıesindegi aýrýlardy emdeýge arnalǵan kabınet medıtsınalyq jabdyq óndiretin halyqaralyq «Homed Medical Device Co., Ltd.» jáne ınnovatsııalyq preparattardy jasap shyǵaratyn halyqaralyq «AstraZeneka» bıofarmatsevtıkalyq kompanııasymen birlese otyryp ashyldy.
Pedıatrııa jáne balalar hırýrgııasy ǵylymı ortalyǵynyń málimeti boıynsha, QR emhanaǵa jatqyzylǵan naýqastardyń arasynda ókpeniń sozylmaly obstrýktıvti aýrýlary basym túsip otyr.
Naqtylap aıtsaq, ishinde mýkovıstsıdoz - 7,7%, bronhoektatııalyq aýrý - 9,9%, sozylmaly bronhıt -10% jáne tynys demikpesi - 15%. Emhanaǵa jatqyzylǵan mundaı naýqastardy emdeý kezinde peroraldy jáne parenteraldy dárilik zattardy qabyldaý qıynǵa soǵady. Dárini ıngalıatsııa arqyly engizý naýqastardyń jaǵdaıyn aıtarlyqtaı jeńildetti. Sonymen qatar, ótkir aýrýlardy basyp, tezirek emdelip ketýge jáne statsıonarda jatý ýaqytyn azaıtýǵa múmkindik beredi.
Nebýlaızerlik terapııany júrgizýge arnalǵan tuńǵysh palata tolyǵymen jabdyqtalǵan. Bolashaqta elimizdiń basqa óńirlerinde osyndaı kabınetterdi ashý josparlanǵan. Kishkentaı naýqastar ambýlatorııada em qabyldaı alady.
