Qazaqstanda Ortalyq Azııadaǵy alǵashqy New York Film Academy fılıaly ashyldy
ASTANA. KAZINFORM — Búgin, 27 qyrkúıek kúni, Qaskeleń qalasynda álemge áıgili amerıkalyq kıno mektebi – New York Film Academy Kazakhstan-nyń resmı ashylý rásimi ótti. Energo University men Dala Edge kreatıvti parkiniń bazasynda qurylǵan jańa fılıal – Ortalyq Azııadaǵy NYFA-nyń alǵashqy oqý orny.
Ǵylym jáne joǵary bilim mınıstrligi málimetinshe, saltanatty is-sharaǵa New York Film Academy prezıdenti ári CEO-sy Maıkl ıAng, QR Ǵylym jáne joǵary bilim mınıstri Saıasat Nurbek, sondaı-aq Almaty oblysynyń ákimi Marat Sultanǵazıev qatysty.
Ashylý rásimi kınematografııalyq sıpatta ótip, kópshilik qonaqtardy erekshe «semka dýbli» qoıylymymen qarsy aldy. Іs-shara barysynda stýdentter men AQSh-tyń Almatydaǵy Bas konsýly Mıshel Erkın sóz sóılep, jańa oqý ornynyń aımaq úshin mádenı jáne shyǵarmashylyq mańyzyn atap ótti. Qonaqtar kampýsty aralap, kitaphana, dárishanalar, dybys jazý jáne montaj stýdııalaryn, sondaı-aq Dala Edge shyǵarmashylyq keńistiginiń múmkindikterin kórdi.
Kúnniń ekinshi jartysynda stýdentter men qatysýshylar úshin tájirıbelik sheberlik sabaqtary uıymdastyrylyp, olardy halyqaralyq deńgeıdegi mamandar ótkizdi. Olardyń qatarynda rejısser ári NYFA oqytýshysy Rob Petrı, akter jáne ımprovızatsııa sheberi Mark Mochabı, AR jáne oıyn tehnologııalary boıynsha sarapshy Kevın Keıton, prodıýser ári rejısser Maıkl Hsıýe, belgili klıpmeıker jáne kınorejısser Lado Kvatanııa, qazaqstandyq kınoprodıýser Qýanysh Beısek, Gollıvýd standarttarynda jumys isteıtin stsenarıst Gúljan Toktogýl, rejısser ári Unreal Engine mamany Bolat Aqnazar, vızýaldy effektiler sarapshysy Denıs Vejnovets, qazaqstandyq stsenarıster Sanat Shapashov pen Sergeı Lıtovchenko, sondaı-aq NYFA oqytýshysy, akter Todd Brýno boldy.
New York Film Academy Qazaqstanda talanttardy izdeıtinin jazǵan bolatynbyz.
Qazaqstanda New York Film Academy (NYFA) fılıaly óz jumysyn bastady.
Mańǵystaý óńiriniń týmasy Barlyq Muńalbaıuly óz ortasynyń nazaryn Aýstralııada alǵan júldesimen aýdarǵan bolatyn.
Qazaqstandyq mobılograftar New York Film Academy-da oqýyn bastady.