Qazaqstanda orta bilim mazmunyn jańartý 2 baǵytta júzege asyrylady
ASTANA. QazAqparat - Qazaqstanda orta bilim mazmunyn jańartý 2 baǵytta júzege asyrylady. Bul týraly búgin QR Parlamenti Májilisi Áleýmettik-mádenı damý komıtetiniń otyrysynda QR Bilim jáne ǵylym vıtse-mınıstri Esenǵazy Imanǵalıev málim etti.
«Orta bilim mazmunyn jańartý 2 baǵytta júzege asyrylatyn bolady. Birinshisi - 2015-2016 oqý jylynyń 1 qyrkúıeginen bastap birinshi synyptan orta bilim mazmunyn tolyq jańartýdy kezeń-kezeńimen engizý. Ekinshisi - orta bilim mazmunyn jańartýdy ishinara engizý», - dedi vıtse-mınıstr. Onyń alǵa tartqan statıstıkalyq derekterine qaraǵanda, 2015-2016 oqý jylynda mektep tabaldyryǵyn 352744 oqýshy attaıtyn bolady. Olardyń 228244-i 6 jastan, al 124500-i 7 jastan birinshi synypqa barady. «Bizdiń esebimiz kadr qajettiligine, sonymen birge osy boljamdyq málimetter negizinde oqýlyqtarmen jáne materıaldyq-tehnıkalyq jabdyqtaýyna oraı túziledi», - dedi ol.
