Qazaqstanda órt sóndirý-qutqarý sportynan álem chempıonaty ótedi

Bul týraly búgin QR Parlamenti Májilisinde ótken Úkimet saǵatynda Tótenshe jaǵdaılar mınıstri Vladımır Bojko málim etti.

Mınıstrdiń aıtýynsha, Qazaqstanda ótetin álem chempıonaty 10-shy mereıtoılyq doda bolyp tabylady. Al mundaı iri básekeniń Qazaqstanda ótýi elimizdegi tótenshe jaǵdaılar mınıstrligi sportshylary bedeliniń halyqaralyq deńgeıde artyp kele jatqanyn bildirip otyr. «Máselen, byltyrǵy jyly Kókshetaý tehnıkalyq ınstıtýtynyń qurama komandasy Bolgarııada stýdentter arasynda ótken órt sóndirý-qutqarý sporty boıynsha álemdik birinshilikte jalpy komandalyq esepte úshinshi orynǵa qol jetkizdi», deıdi V. Bojko.