Qazaqstanda órt sóndirý kólikteri ekiqabatty úıdi jylýmen qamtamasyz ete alady
Qalalyq Tótenshe jaǵdaılar departamentiniń málimetinshe, 5-6 qarasha aralyǵynda respýblıkanyń barlyq aımaǵynda «Qys-2020» shtabtyq jattyǵý ótkizilýde. Shara barysynda Almaty qalasy Tótenshe jaǵdaılar departamentiniń ahýaldyq zalynda azamattyq qorǵaý qyzmetteri jáne aýdandyq ákimdiktermen onlaın rejıminde qys kezeńinde bolýy múmkin tótenshe jaǵdaılardaǵy is-áreketter talqylandy.
Sonymen qatar, departamenttegiler arnaıy jabdyqtalǵan tehnıka týraly aıtyp berdi. Kópmaqsatty órt sóndirý kóligi turǵyn úıdi jylýmen úzdiksiz qamtamasyz ete alady. ıAǵnı, jylytý qazandyqtyń júktemesin ózine aýystyryp, úıdegi jylý júıesiniń qatýyna jol bermeıdi.
Mundaı tehnıka respýblıka boıynsha – tórteý.
«Atalǵan avtokólik páterlerdegi jylytý júıesiniń qatýyna múmkindik bermeıdi jáne eki kópqabatty turǵyn úıdi (60 páterge deıin) jylytýǵa aýystyrý múmkindigi bar. Respýblıkada barlyǵy osyndaı 4 avtokólik bar, olardyń 2-ýi Almaty qalasy TJD esebinde», - dep atap ótti Almaty qalalyq TJD bastyǵynyń mindetin atqarýshy Erlan Álibekov.
Onyń aıtýynsha, qys maýsymyna tehnıkalar tolyq daıyn.
«Qysqy kezeńde qalada azamattyq qorǵaý qyzmetteriniń kúshteri men quraldarynyń jeke quramnan 1248 adam, 459 tehnıka, 10 jyljymaly toqpen qamtamasyz etý kózderi (dızeldi elektr stantsııalary) daıyn. Qalada qardy tazalaý úshin 1035 birlik kóleminde arnaıy qar jınaıtyn tehnıka,33 myń tonna tehnıkalyq tuz, 85 myń tonna qumdy maıda tastar ázirlendi»,– dedi ol.