Qazaqstanda órt saldarynan qansha adam qaıtys boldy
ASTANA. QazAqparat - QR Іshki ister mınıstrligi órttiń saldarynan bolǵan qaıǵyly oqıǵalardyń statıstıkasyn jarııalady, dep xabarlaıdy QazAqparat tilshisi.
Vıtse-mınıstr ıÝrıı Ilınniń aıtýynsha, ótken jyly respýblıka boıynsha 14 567 órt oqıǵasy tirkeldi. Ol bir jyl buryn bolǵan kórsetkishten 6 protsentke tómen. Biraq órt saldarynan qaıtys bolǵan adamdardyń sany 19 protsentke ósip, 434 adamǵa jetti. Bir jyl buryn atalǵan kórsetkish 352 adam bolǵan. "Budan bólek, ótken jyly 412 adam jaraqat aldy. Jalpy, materıaldyq shyǵynnyń kólemi 3,5 mıllıard teńgeden asty", - dedi ıÝ.Ilın.
Al Astana qalasynda byltyr 699 órt oqıǵasy tirkeldi. Sol kezde 10 adam qaıtys boldy. Olardyń ishinde bir bala bar. 2019 jyldyń basynan beri elordada 69 órt oqıǵasy boldy. Búgin qaıǵyly oqıǵada qaıtys bolǵan bes bala - bıylǵy jyldyń alǵashqy qurbandary.
Aıta keteıik, 4 aqpan kúni túnde elordanyń Saryarqa aýdanyndaǵy Kóktal-1 turǵyn alabynda órt shyqty. Órtti sóndirý barysynda 2006, 2008, 2014, 2016, 2018 jyly dúnıege kelgen 5 balanyń denesi tabyldy. Eń kishisi nebári úsh aılyq sábı edi.
QR Іshki ister mınıstrligi Astanadaǵy qaıǵyly oqıǵanyń mán-jaıyn túsindirdi. Tergeý materıaldaryna sáıkes, úıdiń otaǵasyn túngi ýaqytta jumys berýshisi shaqyryp alǵan. Vıtse-mınıstr ıÝrıı Ilın bes balanyń ómirin jalmap ketken órttiń aldyn ala sebebin de jarııalady. Mınıstrlik peshi bar árbir úıge arnaıy datchık ornatýǵa keńes berip otyr.
