Qazaqstanda órt oqıǵalary 11 paıyzǵa artty
ASTANA. 27 aqpan. QazAqparat - Ótken jyly respýblıka boıynsha 17 myńǵa jýyq órt oqıǵasy boldy.
Bul 2011 jylmen salystyrǵanda, 11 paıyzǵa kóp. Bul týraly búgingi Astanada ótken baspasóz máslıhatynda QR Tótenshe jaǵdaılar mınıstrligi Órtke qarsy qyzmet komıteti tóraǵasynyń orynbasary Dáýren Danaev málim etti.
«Memlekettik orman qory aýmaǵynda bolǵan órttiń sany 666-ǵa deıin jetip, 43 paıyzǵa ósti. Sol sııaqty kólik quraldarynda bolatyn órt oqıǵalary 16 jıilep ketti. Ókinishke oraı, órttiń 70 paıyzy turǵyn úı sektorynda bolady. Onyń sany 9 paıyzǵa artty», - deıdi D.Danaev.
