Qazaqstanda órt qaýipsizdigi erejeleri jańarady
ASTANA. KAZINFORM — Qazaqstan Respýblıkasy Tótenshe jaǵdaılar mınıstrligi azamattyq qorǵaý salasyndaǵy birqatar vedomstvolyq buıryqqa ózgerister engizý týraly qujat jobasyn qoǵamdyq talqylaýǵa usyndy.
Qujatta qoldanystaǵy normatıvtik quqyqtyq aktilerdiń keıbir normalary naqtylanǵan. Atap aıtqanda, Órt qaýipsizdigi qaǵıdalaryna, órtke qarsy qyzmet jarǵysyna jáne órt zerthanalarynyń qyzmetin retteıtin erejelerge túzetýler engiziledi.
Bul ózgerister órt qaýipsizdigi talaptaryn naqtylap, olardy turǵyndardyń ártúrli túsinbeýi úshin engizilip otyr.
Buıryq jobasy «Ashyq NQA» portalynda jarııalanǵan. Qoǵamdyq talqylaý 2026 jylǵy 14 mamyrǵa deıin jalǵasady.
Eske sala keteıik, QR Ulttyq ekonomıka mınıstrligi memlekettik ınvestıtsııalyq jobalardy josparlaý jáne iske asyrý qaǵıdalaryna ózgerister men tolyqtyrýlar engizý týraly buıryq jobasyn qoǵamdyq talqylaýǵa usyndy.