Qazaqstanda orny tolatyn energetıkalyq resýrstardyń áleýeti aıtarlyqtaı - Indýstrııa jáne jańa tehnologııalar mınıstrligi
dep habarlady vedomstvonyń baspasóz qyzmetinen.
Vıtse-mınıstr óz sózinde, orny tolatyn energııa kózderin damytý máselesi boıynsha biz úshin kún men jel kúshin paıdalaný óte mańyzdy baǵyttardyń biri ekenin atap kórsetti. «Sarapshylardyń esebi boıynsha, Qazaqstanda orny tolatyn energııa kózderiniń áleýeti óte joǵary jáne ol 1 trıllıon kVt/saǵattan astamǵa baǵalanýda», dep habarlady mınıstrliktiń baspasóz qyzmeti vıtse-mınıstrge silteme jasap.
Mınıstrlik ókili sondaı-aq, orny tolatyn energııa kózderi sektoryn damytýdyń qoldaý tetikteri qajet ekenin basa aıtty. Ótken jyly «Jańaratyn energııa kózderin qoldaý týraly» Zań men birneshe normatıvti-quqyqtyq aktiler qabyldandy. Memleket basshysynyń tapsyrmasy boıynsha osy jyldyń basynda 2010-2014 jyldarǵa arnalǵan Údemeli ındýstrııalyq-ınnovatsııalyq damýdyń memlekettik baǵdarlamasy qabyldandy. Onyń maqsattyq kórsetkishterine sáıkes, alǵashqy bes jylda jalpy paıdalanylatyn energııa kóleminiń 1paıyzy - orny tolatyn energııa kózderine tıesili bolýy kerek. Sondyqtan orny tolatyn energııa kózderin jalpy energııa balansyna qosý maqsatynda Qazaqstan Respýblıkasynyń Indýstrııa jáne jańa tehnologııalar mınıstrligi tarapynan qajetti jumystar atqarylýda.
Búginde osy Údemeli ındýstrııalyq-ınnovatsııalyq baǵdarlama mindetterine sáıkes «Energııa saqtaý jáne energııa tıimdiligin arttyrý týraly» zań jobasy ázirlenip jatyr. Atalmysh zań jobasynyń negizgi ózegi - energııa únemdeýdi yntalandyrý men májbúrleý jáne energııa tıimdiligin arttyrý tetikteri bolyp tabylady.
Jalpy alǵanda, D.Turǵanov atap kórsetkendeı, orny tolatyn energııa kózderin damytýǵa baǵyttalǵan sharalar 2020 jylǵa deıin aýaǵa bólinetin ýly gazdardyń kólemin 15 paıyzǵa azaıtýǵa jáne ulttyq ekonomıkanyń básekelestigin arttyrýyna óz yqpalyn tıgizbek.
