Qazaqstanda ormandardyń kólemin ulǵaıtýdyń qadamdyq jospary bekitiledi
Vıtse-mınıstrdiń aıtýynsha, birqatar oblysta sońǵy jyldary aǵash otyrǵyzý kóleminiń azaıyp bara jatqany baıqalady. Eger Orman sharýashylyǵy jáne janýarlar dúnıesi komıtetiniń qaraýyndaǵy erekshe qorǵalatyn tabıǵı aýmaqtar boıynsha ústimizdegi jyly ormandardy molyqtyrý kóleminiń ulǵaıýy baıqalsa, ákimdikter qaraýyndaǵy orman sharýashylyqtary boıynsha oblystardyń kópshiliginde bul kórsetkish tómendep barady.
«Osy máseleni sheshý úshin mınıstrlik oblystardyń ákimdikterimen birge oblys ortalyqtarynyń aınalasynda jasyl aımaqtar quryp, aǵash otyrǵyzýdyń jyl saıynǵy kólemin keminde 80 myń gektarǵa jetkizýdi eskere otyryp, Ormandardy molyqtyrý kólemin ulǵaıtýdyń qadamdyq josparyn bekitetin bolady. Osyǵan baılanysty, qurmetti Baqytjan Ábdiruly, búgingi otyrystyń hattamasyna ákimdikterge osy jospardy iske asyrý úshin qajetti qarjylandyrý kózin eskerý jóninde tapsyrma engizilýin suraımyz», - dedi Erlan Nysanbaev elimizdiń Úkimet basshysy Baqytjan Saǵyntaevqa qarata.