Qazaqstanda orman órti jıi shyǵatyn óńirler anyqtaldy
ASTANA. QazAqparat - Órt qaýpi joǵary kezeń bastalysymen, Qazaqstannyń ormandy dala alqaptarynda kún saıyn shamamen eki órt tirkeledi, dep habarlaıdy QazAqparat.
QR Іshki ister mınıstriniń orynbasary ıÝrıı Ilınniń aıtýynsha, orman órtiniń 80 paıyzynda adamdar kináli.
«Órt qaýpi joǵary kezeń bastalysymen, memlekettik orman qory alqabyna jeke adamdardyń kelýine, kólik quraldarynyń kirýine shekteý qoıý boıynsha kún saıyn patrýldeý, tabıǵı órttiń aldyn alý úshin memlekettik órt baqylaý qyzmeti, jergilikti polıtsııa jáne jergilikti orman sharýashylyǵy qyzmetkerlerinen 325 jedel top quryldy. Olardyń quramynda 2 051 adam bar», - dedi ıÝ. Ilın Ortalyq kommýnıkatsııalar qyzmetinde ótken baspasóz máslıhatynda.
Mobıldi toptar 2 myńǵa jýyq reıd júrgizgen jáne nátıjesinde 177 adamǵa 2 mln teńgeden astam aıyppul salynǵan. Olarǵa ruqsat etilmegen jerde ot jaǵý, egin alqaptaryn órteý, órt qaýipsizdigi qaǵıdalaryn saqtamaýǵa qatysty aıyp taǵylǵan.
«Jyl basynan beri elimizde 352 tabıǵı órt tirkeldi, degenmen ótken jylǵy kezeńmen salystyrǵanda órt kólemi 44% -ke azaıǵan (2017 jyly - 629 órt). Órt aýmaǵy 168 myń gektardy qurasa (2017 j - 833 myń gektar), órtten kelgen materıaldyq shyǵyn - 199 mln teńgeni qurady», - dedi spıker.
Onyń aıtýynsha, órt sany azaıǵanymen, órt shalǵan aýmaqtar 9 esege kóbeıip otyr.
«Byltyr 16,3 myń gektar jer órtense, 2018 jyly - 145 myń gektar alqap órtengen. Ásirese Shyǵys Qazaqstan, Jambyl jáne Qostanaı oblystaryndaǵy orman órti saldarynan, órtengen aýmaq kórsetkishi artyp otyr. Órtti azaıtý maqsatynda aýylsharýashylyǵy ónimderin óndirýshilermen, ormandy alqaptarda turatyn halyqpen 6 myńǵa jýyq jınalys ótkizildi, 55 myń adamdy qamtıtyn dóńgelek ústelder, jattyǵýlar júrgizildi», - dep habarlady vıtse-mınıstr.
