Qazaqstanda orman órti azaıyp keledi
ASTANA. 18 maýsym. QazAqparat - Aǵymdaǵy jyly 2012 jyldyń sáıkes kezeńimen salystyrǵanda orman órtteriniń saldarynan bolǵan oqıǵalardyń sany 4 ese, kólemi 3 ese jáne keltirilgen zalal somasy 6 ese azaıdy. Bul týraly búgin QR TJM Órtke qarsy qyzmet komıteti tóraǵasynyń orynbasary Vladımır Bekker aıtty.
Onyń atap ótýinshe, 2013 jylǵy órt qaýipti kezeń bastalǵannan bastap Qazaqstan Respýblıkasynyń aýmaǵynda 75 tabıǵı órt tirkelip, kólemi 2245 ga qurady. Órttiń saldarynan bolǵan zalal - 8 mln. 677 myń teńge.
Orman órtterin jedel baıqaý maqsatynda 200 órt-baqylaý munarasy ornatyldy, onda órt qaýipti mezgil boıy kezekshilik júrgiziledi.
