Qazaqstanda orman materıaldary qymbattap, lınoleým arzandady
ASTANA. QazAqparat - Qazaqstanda qurylys salasyndaǵy baǵalar 2017 jylǵy qyrkúıekte 2016 jyldyń jeltoqsanymen salystyrǵanda 3,6%-ke qymbattady, dep habarlaıdy «QazAqparat» HAA Qazaqstan Respýblıkasy Ulttyq ekonomıka mınıstrliginiń Statıstıka komıtetine silteme jasap.
Jyl basynan beri qurylys-montajdaý jumystarynyń baǵasy 3,9%-ke, mashına jáne qurylǵylar 1,9%-ke, ózge jumystar men shyǵyndar 3,8%-ke qymbattaǵan. Qurylys uıymdary satyp alatyn materıaldardyń, detaldar men konstrýktsııalardyń baǵasy 2,9%-ke ósken.
Portlandtsement 9,7%-ke, bıtým 7,7%-ke, orman materıaldary 4,1%-ke, qıyrshyq tas 3,6%-ke, tabaq shyny 3,1%-ke, boıaý men emal 2,8%-ke, qum 1,8%-ke, qubyr 1,6%-ke, kirpish 0,8%-ke qymbattaǵan.
Al lınoleým 6,2%-ke arzandaǵan, sondaı-aq gıpstiń baǵasy 4,6%-ke, plastmassadan jasalǵan qurylys ónimderiniń baǵasy 3%-ke tómendegen.
