Qazaqstanda organıkalyq azyq-túlik standarttary boıynsha normatıvtik qujat qabyldanady
«2021 jylǵa qaraı azyq-túlik ónimderi eksportyn 40 paıyzǵa ulǵaıtý mindetin sheshý úshin árbir jylǵa arnalǵan naqty kórsetkishter aıqyndalǵan. Aǵymdaǵy jyly eksport kólemi 10 paıyzǵa artady dep kútilýde. Osyǵan baılanysty áleýmettik eksporttyq naryqtar boıynsha jol kartasyn bekitý jáne maqsatty ádisterdi túzý qarastyrylýda», - dedi Aıtýǵanov mınıstrliktiń keńeıtilgen alqa májilisinde.
Onyń atap ótýinshe, áleýmettik eksporttyq naryqtar retinde Qytaı, Reseı jáne Parsy shyǵanaǵy elderi qarastyrylyp otyr.
«Bul úshin Azyq-túlik korporatsııasynyń qyzmeti qaıta uıymdastyryldy. Ol tek qana astyq emes, sonymen birge basqa da aýyl sharýashylyǵy ónimderin eksportqa shyǵaratyn bolady. Munan bólek, QazEksportGarant arqyly aýyl sharýashylyǵy taýarlaryn óndirýshilerge eksporttyq kelisimsharttarǵa saqtandyrý men kepil usynylady», - dedi vıtse-mınıstr.
Sonymen qatar ol organıkalyq aýyl sharýashylyǵy salasynda organıkalyq azyq-túlik standarttary, bıopreparattardy óndirý jáne qoldaný boıynsha normatıvtik qujat qabyldanatyndyǵyn, qajetti zerthanalar qurylatyndyǵyn basa aıtty.