Qazaqstanda oralmandardyń kelý talaptaryn jeńildetý kózdelgen

ASTANA. QazAqparat - Qazaqstanda oralmandardyń tarıhı otanyna kelý talaptaryn jeńildetý kózdelgen. Bul týraly seısenbi kúni respýblıkanyń Eńbek jáne áleýmettik qorǵaý mınıstri Tamara Dúısenova málim etti, dep habarlady Trend.az.

«Bul úshin, birinshiden, etnıkalyq qazaqtardyń Qazaqstanǵa kirý talaptaryn jeńildetip, oralmandar turyp jatqan jerdegi Qazaqstannyń elshilikterinde jáne ózdiginen tarıhı otanyna oralǵandarǵa olar kelgen aımaqta tolyq aqparatty usyný qajet», - dedi Tamara Dúısenova.

Onyń sózine qaraǵanda, etnıkalyq qazaqtarǵa qonystanǵan ólkesine qaramastan oralman statýsyn berý qarastyrylǵan. Alaıda olar bul úshin mindetti túrde yqtııar hat alýy kerek.

«Etnıkalyq qazaqtar, sheteldik azamattarǵa qaraǵanda, kóshi-qon polıtsııasyna baryp, tabysyn rastaıtyn qujatty kórsetpeı-aq, azamattyqty alýǵa ótinish bildire alady», - dedi mınıstr.

Onyń sózine qaraǵanda, oralmandardyń Qazaqstan azamattyǵyn alý merzimin bir jylǵa deıin qysqartý kerektigin aıtty. Etnıkalyq qazaqtar oralman statýsyn alǵannan-aq QR azamattyǵyn alýǵa qujattaryn tapsyrýǵa mindetti.

Tórtinshiden, eńbek resýrstaryna zárý aımaqtarǵa kóshýi jaǵdaıynda etnıkalyq qazaqtarǵa áleýmettik paket usynýdy qarastyrý.

«5 jyl turmaı, aımaqtan kóshken jaǵdaıda baspana jergilikti bılik organdarynyń kommýnaldyq jekemenshigine qaıtarylady», - dedi Dúısenova.

Onyń sózine qaraǵanda, kóshi-qon saıasatyn jetildirý boıynsha usynylyp otyrǵan sharalar respýblıkadaǵy turǵyndar sanynyń ósýine ákeledi.