Qazaqstanda Óńirlik ekologııalyq sammıt ótedi

ASTANA.KAZINFORM - 2026 jyldyń 22-24 sáýiri aralyǵynda Qazaqstan astanasynda qorshaǵan orta men sý resýrstary problemalaryn talqylaý jáne ózekti máseleler boıynsha kelisimderge qol jetkizý úshin memleket basshylaryn, sarapshylar jáne halyqaralyq uıymdardyń jetekshilerin bir alańda biriktiretin alǵashqy Óńirlik ekologııalyq sammıt ótedi. Bul týraly Ekologııa jáne tabıǵı resýrstar mınıstrligi habarlady.

Іs-shara maqsaty - qorshaǵan ortaǵa qatysty máselelerdi sheshýdiń birlesken praktıkalyq sheshimderin shyǵarý úshin ashyq halyqaralyq platforma qurý.

Ortalyq Azııa elderinen, Eýropalyq Odaqtan, ShYU-nan jáne Taıaý Shyǵystan shamamen 1500 qatysýshy aǵymdaǵy máselelerdi talqylaý jáne memleketaralyq kelisimderge qol jetkizý úshin sammıtke qatysady dep josparlanǵan.

Sammıtte negizgi 8 taqyryp boıynsha máseleler talqylanady. Olar:

· Ekologııalyq jəne tabıǵı təýekelderge beıimdelý jəne ekonomıkalyq ornyqtylyq;

· Azyq-túlik qaýipsizdigi jəne óńir ekojúıesi

· Tabıǵı resýrstardy ornyqty basqarý;

· Atmosferalyq aýanyń lastanýymen kúres jəne qaldyqtardy basqarý;

· Ekologııalyq ambıtsııalarǵa qol jetkizý tetikteri;

· Ədiletti jəne ınklıýzıvti ótpeli kezeń;

· Ekologııalyq jəne tsıfrlyq quzyretter;

· Klımattyq ótýdi qoldaý.

Sammıt aıasynda Ortalyq Azııa memleket basshylary tarapynan ortaq deklaratsııa qabyldaý josparlanyp otyr.

2026 jyly BUU-men seriktestikte Óńirlik ekologııalyq sammıtti (ÓES 2026) ótkizý usynysyn Qazaqstan Respýblıkasynyń Prezıdenti Qasym-Jomart Toqaev 2023 jyly BUU Bas Assambleıasynyń 78-shi sessııasy barysynda jarııalaǵan bolatyn.

Sammıttiń halyqaralyq seriktesteri: BUU, EYDU, HEA, HJEA, ADB, DB, EQQDB, IWMI, SWITCH-Asia.

Ortalyq Azııa elderiniń Óńirlik ekologııalyq sammıti týraly jyl qorytyndysyna oraı BAQ ókilderine arnalǵan brıfıngide Ekologııa jáne tabıǵı resýrstar mınıstri Erlan Nysanbaev aıtqan edi.

Aıta keteıik, kelesi «Ortalyq Azııa – Japonııa» sammıti Qazaqstanda ótedi.