Qazaqstanda onlaın-saýda jandanyp keledi
ASTANA. QazAqparat - Ótken jyly Pavlodarda áleýmettik jelilerde zańsyz saýdamen aınalysqan 10 adam anyqtalǵan, dep habarlaıdy pavlodarnews.kzi.
Bul týraly Pavlodar oblysy boıynsha memlekettik kirister departamentiniń basshysy Tólegen Sársembaev málim etken.
«Ǵalamtor arqyly tekserý júrgizýdiń nátıjesinde óz taýarlaryn áleýmettik jeli arqyly satyp júrgen kásipkerlerdi shaqyryp alyp, túsindirý jumystary júrgizildi. Qazirgi tańda jalpyǵa ortaq tártip bekitilgen. Kez kelgen adam jeke kásipker retinde tirkelip, patent alý kerek nemese arnaıy áleýmettik salyq rejıminde jumys isteı alady. Olardyń barlyǵyna ázirge eskertý jasaldy», - deıdi Tólegen Sársembaev.
Vedomstvo usynǵan málimetke súıensek, oblystyq ІІD jáne jyljymaıtyn múlik ortalyǵynyń atsalysýymen 2015 jyly 139 zańsyz jalǵa berý faktisi anyqtalǵan. Sondaı-aq, bul jumysty belsendi júrgizýge jýyrda zańnamaǵa engizilgen ýaqytsha tirkeý septigin tıgizer degen senim mol.
Aıta keteıik, Qazaqstan TMD elderi boıynsha ǵalamtor arqyly saýda jasaýdan úzdik úshtikke kirgen. Sarapshylardyń pikirinshe, Qazaqstanda daǵdarysqa qaramastan onlaın-saýda kólemi ary qaraı arta bermek.
