Qazaqstanda onkopreparattardyń balamasy shyǵarylady
ASTANA. QazAqparat - Búgin ótken Qazaqstan men Reseı yntymaqtastyǵynyń XIII óńiraralyq forým aıasynda reseılik BIOCAD bıotehnologııalyq kompanııa men Qaraǵandy farmatsevtıkalyq kesheni bıosımılıarlar rıtýksımaby, bevatsızýmaba jáne trastýzýmabaóndirisin tolyq tsıklda tehnologııalyq transferin júzege asyrý kelisimine qol qoıyldy.
QR Investıtsııalar jáne damý mınıstrliginiń baspasóz qyzmetiniń habarlaýynsha, atalmysh yntymaqtastyq Qazaqstan halqy úshin ómirlik mańyzdy dárilik zattardyń qol jetimdiligin arttyrady jáne el úkimetiniń densaýlyq saqtaý salasyna shyǵaratyn shyǵyndaryn ońtaılandyrýǵa múmkindik beredi. Kelisim somasy 100 mln dollardan asady.
Kelisimge qol qoıardan buryn taraptar birqatar is-sharalar ótkizdi. ıAǵnı, farmatsevtıkalyq keshen zamanaýı qurylǵylarmen jabdyqtaldy jáne óndiristik úderister standarttalyp, personaldar oqytyldy.
«Tikeleı tehnologııalyq transferdiń arqasynda Qaraǵandy farmatsevtıkalyq kesheni respýblıka úshin mańyzdy salyq tóleýshi, jalpy jergilikti eklonomıkanyń damýyn yntalandyratyn jáne qosymsha jumys oryndaryn ashatyn mańyzdy mekeme bolyp otyr», - dedi Qaraǵandy farmatsevtıkalyq kesheniniń bas dırektory Sergeı Baron.
Onkologııalyq kómekti damytý baǵdarlamasynyń deregine sáıkes 2012-2016 jyldary Qazaqstan onkologııalyq dertten qaıtys bolǵandar sany boıynsha ekinshi orynda tur. Jyl saıyn qaterli isikten 17 000 adam kóz jumady. Olardyń 42% eńbekke jaramdy jastaǵylar.
