Qazaqstanda onkologııalyq dıagnostıka múmkindigi artady
ASTANA. KAZINFORM — Jańa tsıklotron onkologııalyq aýrýlardy erte anyqtaýǵa múmkindik beredi, dep habarlaıdy QR Atom energııasy jónindegi agenttiktiń baspasóz qyzmeti.
Radıofarmatsevtıkalyq preparattar óndirisin damytý jáne ıadrolyq medıtsına ınfraqurylymyn nyǵaıtý jónindegi buryn qol jetkizilgen kelisimder aıasynda «Cyclone-18/9» tsıklotrondyq qondyrǵysy Qazaqstan Respýblıkasynyń Atom energııasy jónindegi agenttiginiń qoldaýymen Kýrchatov qalasyndaǵy ıAdrolyq tehnologııalar parkinde saqtaýda turǵan jerinen ıAdrolyq fızıka ınstıtýtynyń teńgerimine berildi. Atalmysh qondyrǵy ıAdrolyq fızıka ınstıtýtynyń on ekinshi bazalyq qondyrǵysy sanalady jáne ǵylymı-tehnologııalyq ári óndiristik áleýetin keńeıtýge múmkindik beredi.
— «Cyclone-18/9» qondyrǵysyn paıdalanýǵa engizý onkologııalyq aýrýlardy dıagnostıkalaýǵa arnalǵan radıofarmatsevtıkalyq preparattardy óndirý kólemin arttyrýǵa jáne olardy úzdiksiz shyǵarýdy qamtamasyz etýge jol ashady, ıaǵnı qosymsha túrde táýligine 150-ge deıin patsıent PET-dıagnostıkadan óte alady. Bul Qazaqstan halqy úshin joǵary dáldikti dıagnostıkanyń qoljetimdiligin aıtarlyqtaı arttyrady, — delingen habarlamada.
Búginde ıAdrolyq fızıka ınstıtýty dıagnostıkalyq radıofarmatsevtıkalyq preparattardy óndiretin elimizdegi jetekshi uıymdardyń biri jáne terapııaǵa arnalǵan radıofarmatsevtıkalyq preparattardy óndiretin Qazaqstandaǵy jalǵyz mekeme bolyp esepteledi.
Óndiristik qýattardy kezeń-kezeńimen arttyryp, ónim túrlerin keńeıte otyryp, ınstıtýt eldegi ıadrolyq medıtsınanyń damýyna eleýli úles qosyp keledi.
Sondaı-aq Instıtýtta óndiriletin radıofarmatsevtıkalyq preparattardy TMD elderi men Azııa memleketterine eksporttaý áleýeti bar.
Osydan buryn elde balalar onkologııasynda zamanaýı emdeý ádisteri engizilip jatqanyn jazǵanbyz.
