Qazaqstanda óńirlerge qaıtarymsyz transfertter bólý tájirıbesi toqtatylady - S.Chaıjúnisov

ASTANA. QazAqparat - Qazaqstanda óńirlerge qaıtarymsyz transfertter bólý tájirıbesi toqtatylady. Bul týraly búgin QR Prezıdenti janyndaǵy Ortalyq kommýıkatsııalar qyzmetinde ótken brıfıngte «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ basqarmasynyń tóraǵasy Sergeı Chaıjúnisov aıtty.

Ol óz sózinde elimizdiń turǵyn úı-kommýnaldyq sharýashylyǵy salasyn jańǵyrtý máselelerine keńinen toqtaldy. «Nurly jol» baǵdarlamasynda mol qarjy qarajatyn bólý kózdelgen. Máselen, 2015 jyly shamamen 60 mlrd. teńge bólý josparlanyp otyr. Al 2016 jyly 90 mlrd. teńge jáne odan keıin jyl saıyn 100 mlrd. teńge bólý qarastyrylyp otyr. Aǵymdaǵy jyldyń shilde aıynda jylý, sýmen jabdyqtaý jáne sý burý júıesin salý jáne jańǵyrtýdy nesıeleý erejesi bekitildi», - dedi S.Chaıjúnisov. Onyń sózine qaraǵanda, atalǵan erejede bıýdjet qarjysyn berý sharttary tolyq qarastyrylǵan. «Bıýdjettik nesıeleýdiń negizgi maqsaty - óńirlerge qaıtarymsyz transfertter bólý tájirıbesin toqtatý», - dedi ol.