Qazaqstanda óńirlerdiń ınvestıtsıalyq tartymdylyǵy reıtıngi jasalady
Reseı Federatsııasy Úkimetiniń tóraǵasy Mıhaıl Mıshýstınniń Qazaqstanǵa sapary aıasynda QR Strategııalyq josparlaý jáne reformalar agenttigi, RF Strategııalyq bastamalar agenttigi «Astana» halyqaralyq qarjy ortalyǵy Ákimshiligimen jáne UTB platformasymen birlesip ınvestıtsııalyq klımatty jetildirý, ınstıtýtsıonaldyq ortany damytý, tsıfrlyq jáne tehnologııalyq damý, kásipkerlik pen memlekettik basqarý salasyndaǵy adamı potentsıaldy arttyrý, óńirlerdi damytýǵa baǵyttalǵan jobalar men bastamalardy iske asyrý, ekologııany saqtaý men klımattyń ózgerýine beıimdelý («jasyl ekonomıka») salalarynda yntymaqtastyq týraly kelisimge qol qoıdy.
Qujatqa SBA bas dırektory Svetlana Chýpsheva, SJRA tóraǵasy Qaırat Kelimbetov, AHQOÁ basqarma tóraǵasy Ernur Rysmaǵambetov jáne UTB platformasynyń bas dırektory Dmıtrıı Peskov qol qoıdy.
Kelisimde kórsetilgen taraýlardy iske asyrý maqsatynda birlesken Strategııalyq bastamalar keńsesin ashý josparlanǵan. Onyń quramyna taraptardyń ókilderi kiredi. Ondaǵy maqsat birlesken damý jobalaryn qurý jáne keńeıtý bolmaq.
Qujat aıasynda SBA-nyń Reseı Federatsııasy óńirleriniń ınvestıtsııalyq klımatynyń reıtıngin qurýdaǵy tájirıbesin eskere otyryp Qazaqstan óńirleriniń ınvestıtsııalyq tartymdylyǵy reıtıngi jasalady.
«Reıtıng basqarý tobyn turaqty ózgeristerge yntalandyrady. Bul tájirıbe áriptesterimizge paıdaly bolady dep úmittenemiz. Osy baǵyttaǵy jumystardy birlesip atqaramyz», - dedi SBA bas dırektory Svetlana Chýpsheva.
«Kelisimge qol qoıý biz úshin azamattardyń ómirin jaqsartýǵa baǵyttalǵan jobalar men bastamalardy birlese daıyndaý men ilgeriletýge úlken múmkindikter usynady. Eki eldiń bilim berý, tehnologııa, ınvestıtsııalyq klımat, týrızm men ekologııany damytý boıynsha birlesken bastamalardy sátti iske asyrý jalpy osy óńirdiń damýyna yqpal etpek», dedi SJRA tóraǵasy Qaırat Kelimbetov.
Óz tarapynan AHQOÁ Qazaqstan Respýblıkasyndaǵy ınvestıtsııalyq múmkindikter men sheteldik ınvestorlardy memlekettik qoldaý júıesi, sonymen qatar «Astana» halyqaralyq qarjy ortalyǵy usynyp otyrǵan ónimder men qyzmetter sekildi yntymaqtastyqtyń jańa baǵyttary týraly aqparattandyryp otyrmaq.
UTB platformasy bilim berý, júrgizýshisiz kólik, ekologııalyq monıtorıng, medıtsına jáne ózge de salalardaǵy birlesken baǵdarlamalardy jáne úlken málimettermen jumys isteıtin mamandardy daıyndaý men biliktilikterin jetildirý baǵdarlamalaryn jobalaýǵa kómek kórsetedi
