Qazaqstanda óńirlerdiń ınvestıtsııalyq reıtıngi jasalady

NUR-SULTAN. QazAqparat – Óńirlerdiń ınvestıtsııalyq reıtıngi ázirlenip, Prezıdent qaraýyna engiziledi. Bul týraly búgin Úkimet otyrysynda QR Premer-Mınıstriniń orynbasary – Syrtqy ister mınıstri Muhtar Tileýberdi oblys ákimderi orynbasarlarynyń fýnktsıonaldyq mindetterin qaıta qaraýdy usyndy, dep habarlaıdy QazAqparat tilshisi.

«Jyl qorytyndysy boıynsha ınvestıtsııalyq shtabta qaralatyn óńirlerdiń ınvestıtsııalyq reıtıngi ázirlenip, Prezıdenttiń qaraýyna engiziledi. Sonymen qatar salalyq mınıstrlikter men kvazımemlekettik uıymdarda da ınvestorlarmen jumys jasaý máselesinde bytyrańqylyq bar», - dedi Premer-Mınıstrdiń orynbasary.

Osyǵan oraı, Muhtar Tileýberdi birinshi basshylar naqty josparlary men kórsetkishteri bar ınvestorlarmen jumys isteý úshin jaýapty orynbasarlaryn aıqyndaýy qajettigin basa aıtty.

«Asqar Uzaqbaıuly, otyrys hattamasyna tıisti tapsyrmalar engizýińizdi suraımyn», - dedi ol Premer-Mınıstr Asqar Mamınge qarata.