Qazaqstanda ónimderdiń sapasy týraly aqparattar biryńǵaı bazada saqtalatyn bolady

ASTANA. QazAqparat - Qazaqstanda taýarlardyń sapasyna qatysty aqparattardy saqtaıtyn biryńǵaı baza qurý josparlanýda. Bul týraly búgin Ortalyq kommýnıkatsııalar qyzmetinde ótken brıfıngte QR Tutynýshylardy qorǵaý agenttiginiń tóraǵasy Bolatbek Qýandyqov málim etti.

Onyń aıtýynsha, árbir tutynýshy sol bazadan kez kelgen taýar nemese ónimge qatysty tolyqqandy aqparat alyp, onyń qaýipsizdigi týraly aqparatpen tanysa alady.

«Agenttik biriktirilgen aqparattyq júıeni - ónimniń qaýipsizdigi biryńǵaı bazasyn qurý jóninde is-sharalar atqarýda. Ol ónim aınalymynyń barlyq kezeńderin baqylaýǵa jáne protsedýralardy júrgizýdiń ashyqtyǵyn qamtamasyz etedi», - dep atap ótti ol.

Eger júıeli túrde zań buzýshylyq anyqtalatyn bolsa, agenttik oǵan qatysty tyıym salý sharalaryn qabyldamaq. «Eger ol taýar syrttan ákelinetin bolsa, ony ımporttalýyna shekteý qoıylady, al eger ol kelingen nemese elde shyǵarylǵan bolsa, ony satýǵa tyıym salynady», - dep atap ótti ol.