Qazaqstanda ónertaný ǵylymy joq - Kompozıtorlar odaǵynyń tóraıymy
ASTANA. QazAqparat - Qazaqstanda ónertaný ǵylymy joq. Petropavlda ótken ánshi, sazger, aqyn, Segiz seri atanǵan Muhamedqanapııa Shaqshaqovtyń 200 jyldyǵyna arnalǵan respýblıkalyq ǵylymı konferentsııada Qazaqstan kompozıtorlar odaǵynyń tóraıymy Balnur Qydyrbek osylaı dedi, dep habarlaıdy QazAqparat «Habar 24» telearnasyna silteme jasap.
«Rýhanı jańǵyrý» baǵdarlamasy aıasynda bul sharaǵa elimizdiń túkpir-túkpirinen zııaly qaýym ókilderi qatysyp, tulǵanyń san qyrly shyǵarmashylyq murasy men ómir joly týraly zertteýlerin ortaǵa saldy. Aıta ketý qajet, búgingi kúni Segiz seriniń kóptegen ánderiniń tek 16-sy ǵana onyń týyndysy retinde dáleldengen.
«Bizde mýzyka, ónertaný ǵylymy kenjelep qaldy deýge de kelmeıdi. Bizde qazir ónertaný ǵylymy joq. Ádebıettaný bolǵan soń, ádebıet tarapynan Segiz seriniń shyǵarmalary qaralyp jatyr, zerttelip jatyr. Al mýzykaǵa baılanysty aıtarym, bizde Segiz seriniń shyǵarmashylyǵyn zerttep jatqan adam joq», - dedi Qazaqstan Kompozıtorlar odaǵynyń tóraıymy Balnur Qydyrbek.
Basty foto: sxodim.com
