Qazaqstanda ónerkásiptik óndiris kólemi 4,5% ulǵaıdy
ASTANA. KAZINFORM - Qazaqstanda qańtar-qarashada ónerkásiptik óndiris kólemi byltyrǵymen salystyrǵanda 4,5% ulǵaıdy, dep habarlaıdy QazAqparat QR Ulttyq ekonomıka mınıstrligi Statıstıka komıtetine silteme jasap.
Bıyl qańtar-qarashada byltyrǵy kórsetkishpen salystyrǵanda shıki munaı, tabıǵı gaz jáne metall kenderin óndirý kólemi artqan. Azyq-túlik, temeki buıymdary, munaı óńdeý, hımııalyq ónerkásip ónimderi, rezeńke jáne plastmassa buıymdary, metallýrgııalyq ónerkásip jáne mashına jasaý óndirisi ulǵaıǵan. Biraq, sýsyndar óndirisi tómendegen.
Atap aıtqanda, munaı óndirisi, sonyń ishinde gaz kondensaty 82,4 mln tonna (byltyrǵydan 4,9% paıyz kóp), mys rýdalary - 94,7 mln tonna (+7,4%) bolǵan. Benzın kólemi 3,6 mln tonna (+28,9%), gaz maıy dızel otyny - 4,3 mln tonnany (+8,3%) qurap otyr.
Respýblıkanyń 14 óńirinde ónerkásiptik ónimderdi óndirý kóleminiń artqany baıqaldy.
