Qazaqstanda ónerkásipti damytý qory qurylýy múmkin

Aıta keterligi, mundaı qorlar Reseıde, Belarýs elinde jáne Ekonomıkalyq yntymaqtastyq jáne damý uıymyna múshe elderde tabysty jumys istep tur. Olar jyldyq 1-4% mólsherleme boıynsha zaemdar beredi, al lızıng jobalaryna protsenttik mólsherleme 1% quraıdy. Atap aıtqanda, Reseıdegi qor óz qarajatyn stanoktar, qalbyrlar shyǵarýǵa, quramdas ónimder óndirýge, ónerkásipti tsıfrlandyrýǵa, eńbek ónimdiligin arttyrýǵa jumsaıdy.

Qor qyzmetiniń tıimdiligi retinde ónerkásipti qoldaýdyń jalpylama saıasaty bir uıymǵa toptastyrylatyndyǵymen negizdeledi. ıAǵnı, memlekettik qoldaýdyń tıimdiligine naqty monıtorıng pen analız jasalady. Bul rette sarapshylar búgingi kúni óńdeýshi ónerkásipti damý ınstıtýttary men ekinshi deńgeıli bankter arqyly qarjylandyrýdyń tıimsiz ekenin atap ótedi. Máselen, óńdeý ónerkásibiniń negizgi qarjy operatory «Báıterek» UBQ» AQ 2017 jylǵy jalpy somasy 2 trln teńgeni quraıtyn qarjylandyrýdyń tek 6,6% paıyzyn ǵana óńdeý salasyna baǵyttaǵan.

Toqtala ketetin jaıt, búgingi tańda otandyq mashına jasaý sektorynda myna salalar ımportqa táýeldi bolyp otyr:

- Elektrojabdyqtar – $ 2,7 mlrd;

- Avtomobıl jasaý – $ 1,8 mlrd;

- Munaıgaz salasyndaǵy mashına jasaý – $ 1,3 mlrd;

- Taý-ken salasyndaǵy mashına jasaý – $ 1,04 mlrd.

Bul rette qazaqstandyq kásiporyndar munaı gaz salasy boıynsha ımportty almastyratyn ónimderdi jetkizý múmkindigi 56,7 mlrd. teńgeni quraıdy. Sonymen qatar, otandyq kásiporyndar iri operatorlar úshin 100 mlrd teńgege deıingi kólemde jańa ónimder óndirisin jolǵa qoıýǵa daıyn ekendigin bildiredi.

Aıta keterligi, Ónerkásipti damytý qoryn qarjylandyrý toqsan, jartyjyldyq jáne jyl qorytyndysy boıynsha ıgerilmegen qarajattardy qaıta bólý esebinen júzege asatyny kózdeledi.