Qazaqstanda ónerkásip salasyndaǵy alpınısterdiń qaýymdastyǵy qurylmaq
Aıta keteıik, bul usynysyn búgin «Ónerkásip qaýipsizdigi. Bıikte jumys isteıtin qyzmetkerlerdiń quqyǵyn qorǵaý» atty halyqaralyq dóńgelek ústel barysynda aıtyldy.
«Kásipkerler palatasy retinde biz osy salanyń damýyna múddelimiz. Biraq, bul salany damytý úshin, retteý úshin, qoldap, qorǵaý úshin bizge qaýymdastyq kerek. ıAǵnı, bul salaǵa onyń múddesin qorǵaıtyn bir organ kerek», - deıdi «Atameken» Ulttyq kásipkerler palatasynyń shaǵyn jáne orta bıznes departamentiniń dırektory Qaıyr Ybyraev.
Q.Ybyraevtyń aıtýynsha, qazir Qazaqstanda bul salany retteıtin ulttyq zańnama joq, sondyqtan, jarnama ilip, bıik ǵımarattardyń terezesin-syrtyn jýatyn, jalpy, quzǵa órmeleıtin ónerkásiptik alpınısterdiń quqyǵy memleket tarapynan qorǵalmaıdy.
«Bul salanyń quqyǵy rettelip otyrǵan joq. Eshkim eshqandaı statıstıka júrgizbeıdi, bıikte jumys istep júrip, oqys jaǵdaıǵa ushyraıtyn alpınıster qanshama. Tipti, keıbir alpınıster qaýipsizdik qurylǵylary joq jerde jumys isteı beredi eken. Degenmen, retteý qujaty Májilistiń qaraýyna berilgen. Qujat shamamen eki aı qaralady»,-deıdi Q.Ybyraev.