Qazaqstanda ónerkásip ónimi jyl basynan beri 16,4% qymbattaǵan
ASTANA. QazAqparat - Qazaqstanda ónerkásiptik ónimder shyǵaratyn kásiporyn-óndirýshiler óndiristik sıpattaǵy qyzmet kórsetýdi esepke alǵanda 2018 jyldyń qazanynda ótken aımen salystyrǵanda baǵany 1,8%, al 2018 jyldyń jeltoqsanyndaǵy kórsetkishten 16,4% kótergen, dep habarlaıdy QazAqparat tilshisi QR UEM Statıstıka komıtetine silteme jasap.
Jyl basynan beri óńdeýshi ónerkásiptegi óndirýshi-kásiporyndar baǵany 7,5%, taý-ken ónerkásibinde - 24,6% ósirgen. Ónerkásiptik óndiris 17,2%, ónerkásiptik sıpattaǵy qyzmetter 7,5% qymbattaǵan. Eseptik kezeńde munaı baǵasy 28,5%, dızel otyny - 23,9%, mazýt - 20%, tabıǵı gaz - 12,4%, kómir - 10%, metall kenderi - 2,8% benzınge - 1,8% joǵarylady.
Ferroqorytpa - 19%, qara metaldar prokaty - 18,2% artsa, qorǵasynnyń quny - 10,9%, myrysh - 9,3%, mys - 1,7% arzandaǵan.
Óndirýshiler kúrishtiń baǵasyn - 18,9%, ósimdik maıyn - 8,2%, shaıǵa - 7,3%, bıdaı uny - 4,5%, qara bıdaı uny - 3,8%, balyqqa - 3,5%, qus etine - 2,9%, mal etin - 2,6%, sút ónimderine - 2,5%, nanǵa - 0,9% -ǵa kótergen. Al, jarmalarǵa - 1%, makaron ónimderine - 0,4% -ǵa tómendetti.
